Esam an presensa a luj
Da la session d'istà dël luj 2021 j'esam dël Laboratòri ëd piemontèis a-s faran mach an presensa, con le modalità ch'i j'ero abituà a seguì dnans ch'a-i fussa l’emergensa sanitaria.
J'esam a distansa a-s faran mach an ëd cas ecessional, visadì tuti coj previst dal Decré Retoral n. 2576 dël 23/7/2020. A podran ciamé ëd fé l'esam a distanza mach le studente e jë student ch'a-s treuvo an ëd condission sanitarie ëd fragilità, opurament coj ch'a l'abia residensa o domicili fòra dël Piemont, o ancora coj ch'a-s treuvo temporaneament fòra dël Piemont përchè ch'a l'han d'esigense documentabil ch'a-j ciamo dë sté lontan.
Vist che sòn a compòrta n'evident sovracàrich ant l’organisassion dj'apej ch'a venta fé-je an dobia modalità, a sarìa na còsa bon-a e giusta se a ciamèisso ëd fé l'esam a distansa pròpi mach coj ch'i n'han damanca dabon e ch'a peulo nen fé-ne a meno.
Comsëssìa, le studente e jë student ch'a veulo ciamé ëd fé l'esam a distansa a venta che:
1) a notìfico, quand ch'a s'inscrivo a l'esam, soa arcesta d'esam a distansa ant ël camp "nòte";
2) a lo faso savèj via e-mail al magìster, an alegand na certificassion o n'autocertificassion dle condission sanitarie o ëd residensa/domicili dont i l'oma parlà dzora.
An alegà a-i é ël file (an italian) con le indicassion për jë student mandà da le segreterìe.
- Laboratorio di piemontese (STU0302)